मुघल साम्राज्य हे १६ व्या शतकामध्ये स्थापन झालेले हिंदूस्तानमधील एक ऐतिहासिक व महत्त्वपूर्ण साम्राज्य होते. ई. स. १७०० च्या सुमारास उत्कर्षाच्या शिखरावर असताना मुघल साम्राज्य पूर्वेला बांग्लादेश ते पश्चिमेला बलुचिस्तान, उत्तरेला काश्मीर ते दक्षिणेला कावेरी खोर्‍यापर्यंत पसरले होते. १७०७ मधे औरंगजेबाच्या मृत्यूनंतर मुघल साम्राज्याचा अस्त होण्यास सुरुवात झाली. १८५८ साली ब्रिटीश राजने मुघल साम्राज्य खालसा केले व हिंदूस्तानवर एकछत्री अंमल सुरु केला.