राधे, रंग तुझा गोरा सांग कशाने रापला?
सावळ्याच्या मिठीमध्ये रंग सावळा लागला ?
राधे, कुंतल रेशमी..सैरभैर गं कशाने?
उधळले माधवाने किंवा नुसत्या वारयाने?
राधे, नुरले कशाने तुज वस्त्रांचेही भान?
निळा प्रणय अथवा एका बेभानाचे ध्यान?
राधे, कासाविशी अशी.. तरी ”वेडी” कशी म्हणू ?
तुझ्या रुपाने पाहिली एक वेडीपिशी वेणू !
राधे, दृष्टीतून का ग घन सावळा थिजला?
इथे तुझ्या डोळा पाणी…तिथे मुरारी भिजला !!
डोळा पाणी.. जिणे उन्ह..इंद्रधनुचा सोहळा
पुसटले साती रंग…एक ” श्रीरंग ” उरला !!
कवी -- संदीप खरे
This entry was posted
on Friday, July 16, 2010
at Friday, July 16, 2010
and is filed under
कविता
. You can follow any responses to this entry through the
comments feed
.
